印尼海嘯印傭家人失蹤求請假 　僱主涼薄回應：又唔係死只係失蹤

印尼西部22日晚上海嘯最少281人死亡，57人失踪，3000多人受傷，1000多人被疏散，目前災區的搜索和疏散工作仍在繼續。有本地僱主在討論區帖文，稱印傭哭求放假，指家人在海嘯事件中失去聯絡，擔心家人安危，希望請無薪假回鄉尋親，但僱主稱印傭並無1個月前請假，稱自己與丈夫身在外地旅行中，家中寵物無人照顧，並質疑印傭家人又非去世，只是失蹤，若死亡自然會讓印傭放喪假。帖文惹網民被批評涼薄冷血，更表明香港有這樣的僱主太羞恥。

帖文原文如下：

屋企個姐姐係咁叫我畀佢放假，講到無薪都無所謂。唔係唔畀你放，係原則問題，佢今年啲假期早就用哂，而家突發話想請假，事先一個月冇通知我，話自己聯絡唔到印尼既親人，驚佢地有事想返去搵佢地，但問題係我而家同老公旅行緊，屋企啲寵物要佢照顧，佢走咗邊個照顧佢地，我已經好人答應話我1月返黎香港會畀佢放，佢仲係咁打長途畀我，哭泣住煩住我而家要立即畀佢放，你屋企人有機會離開關我什麼事!你親人真係走咗到時搞白事自然畀你放啦，而家又唔係死咗只係失踪(蹤)，想偷懶就搵藉口理由，平時已經夠懶。

網民批評帖文僱主太冷血涼薄，

天災無人估到，將心比己如果你有親人失蹤,你又會一個月前通知你老細？

有網友慨嘆看見這僱主的帖文，才知道原來真的有如此涼薄和冷血的人，

唔怪得之前有打工仔呻屋企人入左醫院就快走，老闆都唔放人話佢去到醫院人都唔會翻生，又唔係醫生去黎做乜。

有留言則指無論帖文是真是假，如此的說話也不是人講的話，着帖文者有良心。

帖文引起網民圍攻，該僱主其後與網友掀罵戰，

我只跟法例要求有咩錯，個個都要攻擊我，之前佢得7日假我畀佢放足9日有薪假，都算對佢好，而家根本係原則問題，唔係人性問題，貓貓唔係話比人命重要，但你而家返去家鄉可以幫到啲咩，同埋嗰度睇新聞好唔安全，尋找家人搵軍人去做，點解唔可以留係屋企等消息。

該僱主其後已刪除原本帖文，後來又在討論區查詢寵物酒店的資料，並揚言自己貼錢租寵物酒店而毋須印傭支付，着網友不要再人身攻擊。